Վանա կատուն այլեւս Անկարայի խորհրդանշանը չէ

Անկարայի վարչական դատարանը չեղյալ է հայտարարել Վանա կատուն որպես Անկարայի խորհրդանշան ներկայացնելու մասին Անկարայի քաղաքապետ Մելիհ Գյոքչեքի կողմից ավելի ընդունված որոշումը: Այս մասին, ինչպես հաղորդում է «Արմենպրես»–ը, հայտնում է CNNTurk հեռուստաալիքը:

Դատական հայցը ներկայացրել է Թուրքիայի գլխավոր ընդդիմադիր Ժողովրդահանրապետական կուսակցության նախկին պատգամավոր Ռահմի Քումաշը, ով նշել է, որ Անկարայի հետ ոչ մի կապ չունեցող երկնագույն եւ դեղին գույնի աչքերով Վանա կատուն չի կարող հանդիսանալ Թուրքիայի մայրաքաղաքի խորհրդանշանը: Նա իր կողմից առաջարկել է Անկարայի խորհրդանշան դարձնել մահմեդական մզկիթի մինարեթներով, կիսալուսիններով եւ աստղերով պատված «Խեթական արեւը»:

Հեռուստաալիքը նշում է, որ Անկարայի քաղաքապետը վճռական է Վանա կատուն Թուրքիայի մայրաքաղաքի խորհրդանիշ պահելու հարցում եւ պատրաստվում է բողոքարկել դատարանի վճիռը:

http://armenpress.am/arm/news/704523/vana-katun-aylevs-ankarayi-khorhrdanshany-che.html