Թուրքական իշխանությունները, Օջալանի մասնակցությամբ, քրդերի հետ հակամարտության կարգավորման պլան են կազմել

Թուրքիայի կառավարությունը բանտում գտնվող Քրդական աշխատավորական կուսակցության (PKK) առաջնորդ Աբդուլլահ Օջալանի հետ համատեղ կազմել է 1984թ-ից ձգվող հակամարտության դադարեցման նախագիծը, այս մասին հաղորդում է INTERFAX գործակալությունը` հղում կատարելով թուրքական NTV-ին:
NTV-ի տվյալներով, զինված հակամարտության 2013թ. մարտին դադարեցման վերաբերյալ պայմանավորվածությունը ձեռք է բերվել Օջալանի հետ բանակցությունների վերջին փուլի ժամանակ:

Նախագծի համաձայն, քրդական գրոհայինները վայր կդնեն զենքը քրդական փոքրամասնությանը տրվող առավել մեծ իրավունքների դիմաց: Տեղի կունենա նաև քրդական աշխատավորական կուսակցության հետ կապերի մեղադրանքով ազատազրկված ակտիվիստների ազատում, ինչպես նաև Թուրքիայի նոր սահմանադրության մեջ կամրագրվի քրդական ժողովրդի ինքնության սկզբունքը:

http://tert.am/am/news/2013/01/10/kurd-turk/