Ստամբուլի հայկական թաղամասում դեկտեմբերի 28- ին դաժանորեն սպանված հայուհու սպանությունը հարուցել է Amnesty Internationalի անհանգստությունը։ Հրապարակված հատուկ հայտարարության մեջ կազմակերպությունը նշում է, որ սա մեկ ամսում արդեն երկրորդ հայի սպանություննէ Ստամբուլում։
«Ակօս» թերթը գրում է, որ 85-ամյա Մարիսա Քյուչյուքին սկզբում ծեծել են, դանակով բազմաթիվ հարվածներ հասցրել, ապա՝ գլխատել։
Amnesty International-ն ընդգծում է, որ անցած տարի Ստամբուլի տաքսիստներից մեկը հարձակվել էր ուղեւորուհու վրա, երբ լսել էր նրա հայերեն խոսակցությունը։
«Հիմքեր կան կարծելու, որ 2011 թ. ապրիլի 24- ին Սեւակ Բալիքչիի սպանությունը` զինվորական ծառայության ժամանակ իր ծառայակցի կողմից, եւս ռասայական կամ կրոնական ատելության հողի վրա է տեղի ունեցել։ Դատաքննությունն այս գործով շարունակվում է։ Թուրքական իշխանությունները պետք է առաջ մղեն այս հանցագործությունների հետաքննությունը եւ մեղավորներին պատասխանատվության ենթարկեն։ Նրանք պետք է ավելի մեծ ջանքեր գործադրեն, որպեսզի արմատախիլ անեն անհանդուրժողականությունն ու ազգայնամոլությունը, որոնք ծնում են այս ատելությունը»,- ասված է Amnesty International- ի հայտարարության մեջ։
http://www.armradio.am
Leave a Reply