Ինչպես հայտնում է թուրքական «Ռադիքալ» օրաթերթը, Թուրքիայի Ազգային մեծ ժողովի 2012 թ. վերջին նիստի ժամանակ քննարկման առարկա է դարձել Հայոց ցեղասպանության հարցը: Վեճը ծագել է Մուշի պատգամավոր Սըրրը Սաքըքի և Արդարություն և զարգացում կուսակցության անդամ Մեհմեդ Մեթիների միջև: Խաղաղություն և ժողովրդավարության կուսակցության անդամ Սըրրը Սաքըքն իր ելույթի ժամանակ ասել է. «Ձեր պամությունը կոտորածների պատմություն է: Դուք շատ լավ գիտեք, թե այսօր պայքարողների պապերին ինչպես են կոտորել»: Ի պատասխան՝ Ազգային շարժում կուսակցության անդամ Յուսուֆ Հալաչօղլուն ասել է, թե թուրք ժողովրդի պատմությունը լի է ոչ թե կոտորածներով, այլ պատերազմներով. «Դե ուրեմն ինձ բացահայտ ասեք, թե հայերին ով է կոտորել: Ես էլ փաստաթղթերով ցույց տամ: Առաջին համաշխարհային պատերազմի ժամանակ ռուսների հետ համագործակցող քրդական աշիրեթներին ասեք»:
Akunq.net
Leave a Reply