Թուրքիայի միակ հայկական գյուղը՝ Հաթայի նահանգում գտնվող Վաքըֆլըն, շուտով պատմություն կդառնա. համաձայն նոր ընդունված օրենքի՝ գյուղը զրկվել է գյուղի կարգավիճակից և շուտով թաղամասի կարգավիճակ կստանա:
Ինչպես տեղեկացնում է թուրքական «Սաբահ» օրաթերթը, գյուղի բնակիչները, սակայն, գոհ չեն այդ որոշումից:
1939թ-ից այստեղ բնակվող հայերն ասում են, որ այստեղ բազմաթիվ զբոսաշրջիկներ են գալիս, քանի որ այն միակն է ողջ Թուրքիայում:
«Վաքըֆլըցիներն ուզում են, որ Վաքըֆլըն պահպանի գյուղի կարգավիճակը»,-ասում է Վաքըֆլը համայնքի ղեկավար Պերճ Քարթունը:
Գյուղի հայ բնակիչների պնդմամբ՝ այդ որոշումը բացասաբար կազդի իրենց ռեստորանների, զվարճանքի վայրերի այցելուների վրա, և նրանց թիվը էապես կկրճատվի:
Leave a Reply