Իրանի արտաքին գործոց նախարարութեան բանբեր Պահրամ Ղասեմի յայտնեց, որ իր երկիրը Պոլսոյ մէջ Երուսաղէմի հարցով Իսլամական համագործակցութեան կազմակերպութեան վեհաժողովի քարտուղարութեան յայտնած է, որ վերապահ է անցեալ չորեքշաբթի գումարուած ժողովէն բխած հաղորդագրութեան կարգ մը կէտերուն նկատմամբ:
Ղասեմի նշեց. «Ժողովի ընթացքին հաղորդագրութեան զօրակցիլը երբեք չի նշանակեր Իրանի կողմէ սիոնական գոյացութեան ճանաչումը»:
Նշենք, որ Իսլամական համագործակցութեան կազմակերպութեան անդամ պետութիւններու ղեկավարները իրենց հրապարակած հաղորդագրութեան մէջ յայտնած էին, որ կը ճանչնան Պաղեստինեան անկախ եւ Արեւելեան Երուսաղէմ մայրաքաղաքով պետութիւնը:
http://www.aztagdaily.com/archives/376072
Leave a Reply