Սիրիայի մայրաքաղաք Դամասկոսում քիմիական զենքի կիրառման մասին տեղեկությունների տարածման այս փուլում Թուրքիայի հետախուզական ծառայությունները հաղորդել են, որ Սիրիայի քրդերի ձեռքում քիմիական զենք կա։
Ինչպես տեղեկացնում է թուրքական Haberler կայքը, Ազգային հետախուզական ծառայությունը Թուրքիայի ղեկավարությանը տեղեկացրել է, որ Թուրքիայում ահաբեկչական համարվող Քրդական աշխատավորական կուսակցության (PKK) սիրիական թևը՝ PYD-ն, Սիրիայից քիմիական գազ է տեղափոխել Իրաքի տարածք։
Սիրիայի Թել Աբյադ շրջանում գլուխ բարձրացրած «Ալ-Նուսրայի ճակատ» ահաբեկչական խմբավորման և քրդական խմբերի միջև հուլիսի վերջին տեղի ունեցած բախումների ավարտից հետո քրդերի ձեռքում նաև ցիանիդի գազ կա։
Ազգային հետախուզության ծառայությունը կառավարությանն ուղարկած գրության մեջ ընդգծել է ահաբեկչական խմբավորման ձեռքում քիմիական զենքի հայտնվելու վտանգավոր հետևանքների մասին։
Գրությունն ուղարկվել է կառավարությանը, Զինված ուժերի գլխավոր շտաբին, ներքին գործերի նախարարությանը։
Դրանից հետո ահաբեկչության դեմ պայքարով զբաղվող գերատեսչությունները քիմիական զենքի դեմ կանխարգելիչ քայլերն ուժեղացրել է։
Leave a Reply