Հայտնի է դարձել Թուրքիայում քրդական հարցի կարգավորման շրջանակներում թուրքական իշխանությունների կողմից ստեղծված «իմաստուն մարդկանց հանձնաժողով»-ի անդամների անունները, հաղորդում է թուրքական “T24” կայքը։
Հանձնաժողովի մասնակիցների թիվը 63 է։ Իր հերթին ամբողջ Թուրքիան բաժանվել է 7 շրջանի, և ամեն շրջանում բնակչության հետ աշխատելու համար առանձնացվել են 9 հոգի։ Ըստ շրջանների ստեղծված յուրաքանչյուր խումբ բաղկացած է մեկական նախագահից, նախագահի տեղակալից և քարտուղարից: «Իմաստուն մարդկանց հանձնաժողովում» են գտնվում Թուրքիայում հայտնի մտավորականներ, արվեստագետներ, երգիչներ և լրագրողներ։
Թուրքիայի հարավարևելյան քրդաբնակ շրջաններում աշխատող հանձնաժողովի խմբի մեջ է ընդգրկվել “Zaman” պարբերականի լրագրող, ստամբուլահայ Էթյեն Մահչուփյանը։
Leave a Reply