Թուրքիա–Ադրբեջան ռազմական համագործակցություն․ Անկարայից անդրադարձել են նաև Հայաստանին

•

Թուրքիան և Ադրբեջանն ընդլայնում են ռազմական համագործակցությունը՝ փոխադարձ վստահության հիման վրա և հատուկ ուշադրություն դարձնելով համատեղ զորավարժություններին ու պաշտպանական արդյունաբերությանը։ Այս մասին հայտարարել է Թուրքիայի ազգային պաշտպանության նախարար Յաշար Գյուլերը, հաղորդում է TRT Haber-ը։

«Թուրքիայի պաշտպանական և անվտանգության քաղաքականությունը չի սահմանափակվում սեփական սահմանների պաշտպանությամբ, այլ ընդգրկում է աշխարհագրական լայն տարածք և ենթադրում մեծ պատասխանատվություն։ Այսօր մեր զինված ուժերը, երկկողմ ռազմական համագործակցությունից բացի, ՆԱՏՕ-ի, ՄԱԿ-ի, Եվրոպական միության և ԵԱՀԿ-ի շրջանակներում առանձնահատուկ ներդրում են ունենում խաղաղության պահպանման, ճգնաժամերի կանխարգելման և կայունության ամրապնդման գործում։

Այս համատեքստում մենք փոխադարձ վստահության հիման վրա ամրապնդում ենք ռազմական համագործակցությունը մեր մերձավոր եղբայր Ադրբեջանի հետ՝ առաջին հերթին համատեղ պատրաստության և զորավարժությունների, ինչպես նաև պաշտպանական արդյունաբերության ոլորտներում», – ասել է Գյուլերը։

Նախարարի խոսքով՝ Թուրքիան ուշադիր հետևում է Հայաստանի և Ադրբեջանի միջև խաղաղության գործընթացին։

«Մենք համոզված ենք, որ ամուր խաղաղության հաստատումը կնպաստի Հարավային Կովկասում կայունության ամրապնդմանը, տրանսպորտային և առևտրային կապերի, ինչպես նաև տնտեսական համագործակցության զարգացմանը», – հայտարարել է Գյուլերը։

https://auroranews.am/news/2026-11-18-thvourqia-adrbejan-razmakan-hamagvortsakcvouthyvoun-ankarayic-andradardzel-en-naev-hayastanin

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

November 2026
M T W T F S S
 1
2345678
9101112131415
16171819202122
23242526272829
30  

Արխիւ