ԵԽ զեկույցում կոչ է արվում պատժել Թուրքիայի պաշտոնյաներին

Եվրոպական խորհրդարանի (ԵԽ) Թուրքիայի մասին զեկույցը հունիսի 17-ին քվեարկության կդրվի Ստրասբուրգում։ Զեկույցում նշվում է, որ ներկա պայմաններում Թուրքիա-ԵՄ անդամակցության բանակցությունները չեն կարող վերսկսվել։ Առաջարկվում է հարաբերությունները շարունակել ավելի շատ աշխարհաքաղաքական շահերի հիման վրա։

Զեկույցում ասվում է նաև, որ Թուրքիայում ակնհայտ հետընթաց կա ժողովրդավարության, մարդու իրավունքների և իրավական պետության ոլորտներում։ Ընդգծելով կոպենհագենյան չափանիշները՝ շեշտվում է, որ անդամակցության գործընթացը չի կարող առաջ շարժվել առանց այդ պայմանների ապահովման։

Ուշադրություն է հարվիրվում Թուրքիայում հոգաբարձուների (վստահված կառավարիչների) նշանակման պրակտիկայի և դատական գործընթացների վրա: Կոչ է արվում թուրք պաշտոնյաների դեմ պատժամիջոցներ կիրառել։ Ըստ աղբյուրի՝ պատժամիջոցների կոչը վերաբերում է նաև Թուրքիայի արդարադատության նախարար Աքըն Գյուրլեքին:

Բացի այդ զեկույցում անդրադարձ է արվել եվրաանդամակցության գործընթացին: Ըստ այդմ՝ գործընթացն այժմ գտնվում է սառեցված վիճակում, սակայն Թուրքիայի և ԵՄ-ի միջև համագործակցությունը պիտի շարունակվի այնպիսի ոլորտներում, ինչպիսիք են առևտուրը, անվտանգությունը և միգրացիան։

https://ermenihaber.am/am/politics/34922/