Թուրքիայում բռնության դեպքերը մեկ տարվա ընթացքում աճել են 75%-ով՝ հասնելով 2289-ի։ Այս մասին նշվում է Ստամբուլի մշակույթի համալսարանի և արդարություն ու հոգեբանության լաբորատորիայի «Թուրքիայի բռնության քարտեզ 2025» զեկույցում։ Ըստ այդմ՝ բռնության դեպքերի մեծ մասը կապված է մարմնական վնասվածքների հետ, որոնք կազմում են ընդհանուրի շուրջ 61.5%-ը։
Նշվում է, որ հանցագործների շուրջ 95.5%-ը տղամարդիկ են, իսկ դեպքերի աշխարհագրական կենտրոնը հյուսիս-արևմուտքում գտնվող Մարմարայի տարածաշրջանից տեղափոխվել է դեպի Միջերկրածովյան և Հարավարևելյան Անատոլիայի տարածաշրջաններ։ Հատկապես առանձնացվում են Շանլըուրֆա (Ուրֆա / Եդեսիա- Ակունքի խմբ․) և Ադանա նահանգները, որտեղ դեպքերի թիվն առավել շատ է աճել:
Միաժամանակ տեղեկացվում է, որ զենքից արձակված կրակոցի հետևանքով գրանցված մահացությունների թվին զուգահեռ, աճել է նաև անծանոթ անձանց կողմից իրականացվող բռնության դեպքերը, ինչը, մասնագետների գնահատմամբ, վկայում է հասարակական վստահության թուլացման մասին։
Leave a Reply