Հայաստանն ու Թուրքիան կշահեն հարաբերությունների կարգավորումից, հայտարարել է Թուրքիայի նախագահ Ռեջեփ Թայիփ Էրդողանը, փոխանցել է Anadolu-ն։
«Մենք գնում ենք Հայաստանի հետ հարաբերությունների կարգավորման աստիճանական գործընթացով, երբ խաղաղություն հաստատվի, եւ հարաբերությունները կարգավորվեն, մենք կտեսնենք, որ մեր երկրները կշահեն դրանից»,- ասել է Էրդողանը։
Միեւնույն ժամանակ, նրա խոսքով՝ Թուրքիան ակնկալում է, որ Իրանը կաջակցի այսպես կոչված «Զանգեզուրի միջանցքի» հետ կապված քայլերին, որոնք իբր կծառայեն տարածաշրջանում խաղաղությանը, կայունությանը եւ զարգացմանը։
Էրդողանը նաեւ անդրադարձել է Հայաստանի եւ Ադրբեջանի միջեւ հարաբերությունների կարգավորմանը, որտեղ Անկարան «անհրաժեշտ ներդրում է կատարում»։ Երեւանի եւ Բաքվի միջեւ խաղաղությունը, նրա կարծիքով, արդեն հորիզոնում է։
Leave a Reply