Վերջին 3 տարում Թուրքիայից Գերմանիա է արտագաղթել 112.000 մարդ

Գերմանիայի դաշնային վիճակագրական գրասենյակը տվյալներ է հրապարակել երկրում միգրանտների թվաքանակի վերաբերյալ։ 2024-ի տվյալների համաձայն՝ Գերմանիայում մոտավորապես 21 մլն 200.000 մարդ միգրանտի ծագում ունի, և այդ թիվը համապատասխանում է բնակչության 25.6 տոկոսին։ Ըստ այդմ ստացվում է, որ Գերմանիայում բնակվող չորսից մեկը միգրանտ է։

2022-2024 թվականների ընթացքում Գերմանիան Ուկրաինայից և Սիրիայից հետո ամենաշատ միգրանտներ ընդունել է Թուրքիայից։ Մասնավորապես 2022-2024-թթ. Ուկրաինայից Գերմանիա է արտագաղթել 843.000 մարդ, Սիրիայից 124.000, իսկ Թուրքիայից 112.000 քաղաքացի։

https://www.ermenihaber.am/am/news/2025/05/23/%D4%B9%D5%B8%D6%82%D6%80%D6%84%D5%AB%D5%A1-%D4%B3%D5%A5%D6%80%D5%B4%D5%A1%D5%B6%D5%AB%D5%A1/306132