Թուրքիայի ԱԳՆ. ԵՄ-ն կորցրել է իր անկողմնակալությունը Կիպրոսի հարցում

Թուրքիայի արտգործնախարարության խոսնակ Օնջյու Քեչելին անդրադարձել է Եվրահանձնաժողովի` Կիպրոսի հատուկ ներկայացուցիչ նշանակելու որոշմանը:

Քեչելին նշել է, որ որոշումը դիտարկում են որպես ԵՄ-ի ներքին խնդիր:

Նրա խոսքով՝ չնայած ԵՄ-ն 2004-ին ՄԱԿ-ի համապարփակ լուծման պլանը մերժել էր, այնուամենայնիվ «Կիպորսի հունական կողմին» ԵՄ անդամակցություն շնորհելով, Կիպրոսի խնդրում վերացրել է իր անկողմնակալությունը: 

«Մենք նկատում ենք, որ ԵՄ-ի կողմնակալ մոտեցումը, որը բացառապես պաշտպանում էր Կիպրոսի հույն կողմի դիրքորոշումն ու պնդումները Կիպրոսի հարցի վերաբերյալ, վերջերս ավելի է ուժեղացել»։

Բացի այդ, արտգործնախարարության խոսնակն ընդգծել է, որ իրենք ակնկալում են, թե այդ պաշտոնյան հույներին կօգնի հասկանալ, որ ապագայում հնարավոր ցանկացած նոր բանակցային գործընթաց այլևս չի ընթանա երկու համայնքների, այլև պետությունների միջև՝ ինքնիշխան հավասարությամբ:

https://www.ermenihaber.am/am/news/2025/05/15/%D4%B9%D5%B8%D6%82%D6%80%D6%84%D5%AB%D5%A1-%D4%B5%D5%84-%D4%BF%D5%AB%D5%BA%D6%80%D5%B8%D5%BD/305302