Թուրքիայում իշխող Արդարություն և զարգացում կուսակցության (ԱԶԿ-AKP) խոսնակ Օմեր Չելիքն անդրադարձել է Թուրքիայի համար ահաբեկչական համարվող Քուրդիստանի բանվորական կուսակցության (PKK-ՔԲԿ) ինքնալուծարման հարցին:
Նրա խոսքով, ՔԲԿ-ի հիմնադիր-առաջնորդ Աբդուլլահ Օջալանի ինքնալուծարման մասին կոչից հետո այդ գործընթացը պետք է արագ իրականացվի:
«Ակնկալում ենք, որ ահաբեկչական կազմակերպության ինքնալուծարման և զենքերը վայր դենլու գործընթացը կհանգուցալուծվի առաջիկա օրերին»,- հավելել է նա:
Հիշեցնենք, որ Օջալանը PKK-ի զենքերը վայր դնելու մասին կոչով միջնորդավորված կերպով հանդես էր եկել փետրվարի 27-ին: Իր ուղերձը փոխանցել էին Իմրալը կղզում վերջինիս հետ 3-րդ հանդիպումից վերադարձած ընդդիմադիր Ժողովուրդների հավասարություն և ժողովրդավարություն կուսակցության (DEM) ներկայացուցիչները:
Leave a Reply