Թուրքիան կանխակալ կը նկատէ Պոլսոյ նախկին քաղաքապետ Էքրեմ Իմամօղլուի կալանաւորման եւ անոր հետեւած հանրային լայնածաւալ բողոքներու վերաբերեալ միջազգային ընտանիքի դիրքորոշումը: «Ռոյթըրզ» կը հաղորդէ, որ այս մասին յայտարարած է այդ երկրի արդարադատութեան նախարար Եըլմազ Թունջը` միջազգային լրատուամիջոցներու հետ Պոլսոյ մէջ հանդիպման ժամանակ:
Ան եւրոպական երկիրներուն կոչ ուղղած է իրադարձութիւնը սթափ գնահատելու:
Թուրքիոյ գլխաւոր ընդդիմադիր դէմքի` Իմամօղլուի նկատմամբ սկսած քրէական հետապնդումը իրաւապաշտպան կառոյցներն ու եւրոպական երկիրները գնահատած են իբրեւ քաղաքական հոլովոյթ ընդդէմ երկրի նախագահ Ռեճեփ Թայիփ Էրտողանի հիմնական մրցակիցի:
Էրտողանի գլխաւոր մրցակից Էքրեմ Իմամօղլու ձերբակալուեցաւ 19 մարտինփտածութեան ու ահաբեկիչներու հետ համագործակցելու մեղադրանքով: Իմամօղլու կը հերքէ մեղադրանքները զանոնք կոչելով «զրպարտութիւններ»:
23 մարտին թրքական դատարանը զինք կալանաւորեց, ներքին գործոց նախարարութիւնն ալ ժամանակաւորապէս պաշտօնէն հեռացուց: Թուրքիոյ մէջ Պոլսոյ քաղաքապետի կալանաւորման դէմ բողոքի ցոյցեր սկսած են:
Leave a Reply