Ժնևում կիպրական հարցի վերաբերյալ կկայանա ոչ պաշտոնական հանդիպում

ՄԱԿ-ի գլխավոր քարտուղար Անտոնիո Գուտերեշի նախաձեռնությամբ մարտի 17-ից 18-ը կիպրական հարցի վերաբերյալ Ժնևում կկայանա ոչ պաշտոնական հանդիպում։

Հանդիպմանը կմասնակցեն թուրքական, հունական և կիպրական կողմի ներկայացուցիչները և երաշխավոր երկրները հանձինս՝ Թուրքիայի, Հունաստանի և Անգլիայի։

Ներկա կգտնվեն Հյուսիսային Կիպրոսի ինքնահռչակ թուրքական հանրապետության նախագահ Էրսին Թաթարը, Կիպրոսի նախագահ Նիկոս Խրիստոդուլիդեսը, Թուրքիայի ու Հունաստանի արտգործնախարարները և Մեծ Բրիտանիայի արտգոծնախարարության Եվրոպայի և Հյուսիսային Ամերիկայի հարցերով պետնախարարը։

Նախատեսվում է, որ Գուտերեշը պատվիրակությունների հետ կունենա առանձին հանդիպումներ։ Կողմերն իրենց դիրքորոշումները կներկայացնեն հնգակողմ հանդիպմանը:

Հիշեցնենք, որ պաշտոնական բանակցային գործընթացը կողմերի միջև կասեցվել էր 2017-ի հուլիսի վերջին։

https://www.ermenihaber.am