Թուրքիոյ նախագահ Ռեճեփ Թայիփ Էրտողան յայտնած է, որ Ազրպէյճանի նախագահ Իլհամ Ալիեւի հետ քննարկած է Հայաստանի հետ խաղաղութեան շուրջ բանակցութիւնները: Ան այս մասին ըսած է լրագրողներուն` նկատի ունենալով 5 մարտին տեղի ունեցած հանդիպումը:
«Ես եւ եղբայրս Իլհամ Ալիեւը քննարկեցինք շատ կարեւոր հարցեր, յատկապէս Հայաստանի հետ խաղաղութեան շուրջ բանակցութիւնները», Թուրքիոյ նախարարաց խորհուրդի նիստէն ետք ըսած է Էրտողան:
5 մարտին Անգարայի մէջ տեսակապի միջոցով տեղի ունեցած է Իգդիր-Նախիջեւան կազատարի բացման արարողութիւնը, որուն մասնակցած են Թուրքիոյ եւ Ազրպէյճանի նախագահները:
Leave a Reply