Թուրքիայում 10 ընդդիմադիր գործչի սպառնում է մինչև 15 տարվա ազատազրկում

Թուրքիայում գլխավոր ընդդիմադիր ուժ համարվող քեմալականների Ժողովրդահանրապետական կուսակցության (ԺՀԿ-CHP) 10 անդամի մեղադրանք է առաջադրվել՝  «զինված ահաբեկչական կազմակերպության անդամ լինելու» հոդվածի հատկանիշներով։

Փետրվարի 11-ին Ստամբուլի գլխավոր դատախազության կողմից սկսված հետաքննության շրջանակներում ձերբակալվել էին ԺՀԿ անդամ, Ստամբուլ նահանգի Քարթալի շրջանային ղեկավարի օգնական Ջեմալեթթին Յուքսելը, Աթաշեհիրի շրջանային ղեկավարի օգնական Լիվան Գյուրը և շրջանային ղեկավարության այլ անդամներ:

Մարտի 6-ին դատախազությունում մեկնարկած հետաքննությունն ավարտվել է, որի հիման վրա էլ վերջիններիս նկատմամբ դատական գործ է հարուցվել: Մեղադրականի հիման վրա նրանց սպառնում է մինչև 15 տարվա ազատազրկում:

https://www.ermenihaber.am/am/news/2025/03/07/%D4%B9%D5%B8%D6%82%D6%80%D6%84%D5%AB%D5%A1-%D4%BA%D5%80%D4%BF-%D4%B4%D5%A1%D5%BF/299431