Փետրվարին Թուրքիայում սպանվել է 16 կին

«Կանանց սպանությունները կասեցնելու թուրքական պլատֆորմի» հրապարակած զեկույցի համաձայն՝ 2025 թ. փետրվարին Թուրքիայում սպանվել է 16 կին, իսկ ևս 21-ի մահը համարվել է կասկածելի: 

Սպանված 16 կանանցից 11-ի կյանքը խլել են իրենց բնակարանում. 4-ին սպանել է ամուսինը, 3-ին՝ որդին, 2-ին՝ զուգընկերը, 1-ին՝ հայրը, իսկ մյուսին` ազգականը: 

Կանանց սպանության հիմնական պատճառները կապված են եղել իրենց անձնական որոշումների հետ․ 3-ը սպանվել են ամուսնալուծվել ցանկանալու,  չհաշտվելու կամ ամուսնանալուց հրաժարվելու համար, մեկը՝ որդու չաշխատելու մասին խոսելու պատճառով: Մյուս 12-ի սպանության պատճառները դեռևս մնում են անհայտ:

Վերոնշյալ հարթակը կոչ է արել պարզաբանել 21 կնոջ մահվան կասկածելի հանգամանքները՝ նշելով, որ ինքնասպանություն, դժբախտ պատահար կամ բնական մահ ներկայացվող դեպքերը զգալիորեն աճել են հատկապես համավարակից հետո։

https://www.ermenihaber.am/am/news/2025/03/04/%D4%B9%D5%B8%D6%82%D6%80%D6%84%D5%AB%D5%A1-%D5%93%D5%A5%D5%BF%D6%80%D5%BE%D5%A1%D6%80/298975