ԲՊՀ-ում ներկայացվեց Համշենի պատմությունն ու մշակույթը

ԲՊՀ-ի Արևելյան լեզուների ամբիոնի նախաձեռնությամբ նիստերի մեծ դահլիճում անցկացվեց «Համշենը և համշենցիները» խորագրով միջոցառումը։

Թարգմանության ֆակուլտետի 3-րդ կուրսի թուրքերենի խմբի ուսանողները և դասախոս Մելինե Անումյանը ներկայացրին Համշենի պատմությունը, համշենահայերի ինքնության խնդիրները, հայերենի Համշենի բարբառը, ավանդույթները, մեղեդիները, բանահյուսությունը, պարերը, կինոարվեստն ու խոհանոցը։

Ուսանողները նաև հանդես եկան Համշենի բարբառով ասմունքով, իսկ Ալլա Սրապյանը կատարեց համշենական երգ։ Բոլոր ելույթներն ուղեկցվում էին համշենական մեղեդիներով՝ ստեղծելով մթնոլորտ, որը կամրջում էր անցյալն ու ներկան։

Միջոցառմանը ներկա էին ԲՊՀ ռեկտոր Դ. Գյուրջինյանը, Արևելյան լեզուների ամբիոնի վարիչ Ք. Ռաֆայելովան, Լեզվի կոմիտեի ներկայացուցիչներ, հայաստանաբնակ համշենահայեր, ԲՊՀ դասախոսներ և ուսանողներ։

Այսօր էլ Համշենի մշակույթն ու ժառանգությունը շարունակում են գրավել ու հարստացնել մեր բազմաշերտ ազգային ինքնությունը։

https://brusov.am/hy/content/bph-um_nerkayacvec_hamsheni_patmutyunn_u_mshakuyty/#sthash.4DWlRmCI.dpbs