Վանա լճում ջրի մակարդակն օր օրի իջնում է (լուսանկարներ, տեսանյութ)

Վանա լճում ջրի մակարդակը օրեցօր նվազում է։ Լուսանկարներ և տեսանյութ են հրապարկվել, որտեղ երևում է, թե ինչ տեսք ունի լիճը։ Ջրի մակարդակը շարունակում է իջնել երաշտի, ջերմաստիճանի բարձրացման և տեղումների նվազման պատճառով, ինչպես նաև գոլորշիացման հետևանքով։ 

Ջրի մակարդակը զգալիորեն իջել է, ինչի հետևանքով ի հայտ են եկել հարյուրավոր միկրոբիալիտներ՝ միկրոօրգանիզմների կողմից ձևավորված նստվածքներ։

Տեղացիներից մեկը նշել է, որ իրենց անհանգստացնում է լճի չորացումը։ Նա հույս է հայտնել, որ առատ տեղումներ կլինեն, և լիճը կվերադառնա իր նախկին տեսքին։

Նշենք, որ Վանա լիճն (Բզնունյաց ծով) անհոսք աղի լիճ է Հայկական լեռնաշխարհում։ Լիճն ունի 4 կղզի՝ Աղթամար, Կտուց, Լիմ և Արտեր։ Մակերեսը 3712 քկմ է, առավելագույն լայնությունը՝ 51 կմ, իսկ խորությունը՝ մինչև 145 մ։

https://www.ermenihaber.am/am/news/2025/01/29/%D5%8E%D5%A1%D5%B6-%D5%AC%D5%AB%D5%B3/295987