20 տարվա դադարից հետո Մոնղոլիայի նախագահը կմեկնի Թուրքիա

Մոնղոլիայի նախագահ Ուխնաագի Խուրելսուխին 20 տարվա դադարից հետո պաշտոնական այցով հունվարի 15-ից 19-ը կլինի Թուրքիայում:

Երկու երկրների միջև հաստատված դիվանագիտական հարաբերությունների 55-րդ տարելիցի առթիվ էրդողանի հրավերով Թուրքիա մեկնող Խուրելսուխին մի շարք հանդիպումներ կունենա Անկարայում։

Օրակարգում լինելու են երկկողմ հարաբերությունները, ինչպես նաև տարածաշրջանային և համաշխարհային նշանակության խնդիրները:

Կողմերի միջև նախատեսվում է համագործակցության ավելի քան 10 համաձայնագրի կնքում՝ շրջակա միջավայրի, տրանսպորտի, ենթակառուցվածքների և իրավական ոլորտների վերաբերյալ։

Նշվում է, որ երկու պետությունների միջև կգործարկվեն նաև համաձայնագրեր՝ միտված երիտասարդության և սպորտի, կրթության, բժշկական և առողջապահական ոլորտների համագործակցությանը:

https://www.ermenihaber.am/am/news/2025/01/13/%D4%B9%D5%B8%D6%82%D6%80%D6%84%D5%AB%D5%A1-%D5%84%D5%B8%D5%B6%D5%B2%D5%B8%D5%AC%D5%AB%D5%A1/294436