PKK-ի ղեկավար Օջալանը կարող է կողմնակիցներին կոչ անել վայր դնել զենքերը. Türkiye

Անկարայի կողմից ահաբեկչական ճանաչված Քրդստանի աշխատավորական կուսակցության (PKK) առաջնորդ Աբդուլլահ Օջալանը, ով ցմահ բանտարկված է, կարող է դիմել իր կողմնակիցներին՝ զենքերը վայր դնելու և Թուրքիայի հետ երկարամյա զինված առճակատմանը դադարեցնելու խնդրանքով։ Այսպիսի հայտարարություն է արել Türkiye թերթը։

Ըստ լրատվամիջոցի՝ Օջալանի կոչը կուղղվի ինչպես Հյուսիսային Իրաքում և Սիրիայում PKK-ի զինյալներին, այնպես էլ Եվրոպայում կազմակերպության աջակիցներին։ Դա կարող էր արվել ձեռագիր նամակի կամ տեսաուղերձի տեսքով՝ քրդամետ DEM կուսակցության ներկայացուցիչների կողմից Իմրալի կղզու բանտում գտնվող քուրդ առաջնորդին երկրորդ կամ երրորդ այցից հետո։ Նախկինում նրանք Օջալանի հետ հանդիպել են դեկտեմբերին։

TGRT հեռուստաալիքն, իր հերթին, պնդում է, որ Օջալանի դիմումը PKK-ին սպասվում է ոչ ուշ, քան փետրվարի կեսերը։

Türkiye-ն հայտնում է նաև, որ Թուրքիան Սիրիայի նոր իշխանություններին է փոխանցել PKK-YPG-ի (Ժողովրդական պաշտպանության ստորաբաժանումներ, PKK-ի սիրիական մասնաճյուղ) ղեկավարության ցուցակը, որոնք պետք է լքեն Սիրիայի տարածքը։

https://news.am/arm/news/860864.html