Քաղաքացիական պատերազմը թուրքամետ եւ քրդական ուժերի մասնակցությամբ կարող է սկսվել Սիրիայում Բաշար Ասադի կառավարության անկումից հետո։ Այսպիսի կարծիք է հայտնել The Washington Post թերթը։
Նրա գնահատմամբ՝ քրդերի անկախություն հռչակելու փորձը վճռական դիմակայության կարժանանա սիրիական նոր իշխանությունների կողմից եւ կարող է «Անկարային ներքաշել էլ ավելի խորը Սիրիայի [խնդիրներում] եւ ծուղակը նետել ամերիկյան զորքերին», որոնք տեղակայված են երկրի հյուսիս-արեւելքում։
Պարբերականի կարծիքով՝ կպահպանվեն սիրիական ընդդիմության պառակտման ռիսկերը, ինչպես նաեւ կշարունակվի Իսրայելի, Թուրքիայի եւ ԱՄՆ միջամտությունը արաբական հանրապետության գործերին։ Թուրքամետ խմբավորումների հետագա հարձակումը, հավանաբար, կստիպի քրդական ուժերին նահանջել, ինչը սպառնալիքի տակ կդնի Սիրիայոմ ամերիկացի զինվորականների ներկայությունը։
Սիրիական Դեր-էզ-Զոր, Ռաքքա եւ Հասեկե նահանգների մեծ մասը, որոնք գտնվում են արեւելքում եւ հյուսիս-արեւելքում, ներկայում վերահսկվում է քրդական «Դեմոկրատական Սիրիայի ուժերի» կողմից, որոնց աջակցում է ԱՄՆ-ը։ 2015-ից ամերիկյան հրամանատարությունն այդ շրջանում ստեղծել է ինը ռազմակայան։ Քրդերը վերահսկում են Սիրիայի տարածքի 25 տոկոսը։
Leave a Reply