Երզնկայի 12-րդ դարի հայկական վանք-համալսարանը․․․

Երզնկայի Կամախ գավառում գտնվող Ավագ վանքը մի ժամանակ համալսարանական գործառույթ է կատարել։ Ավագ վանական համալիրը նվիրված է Թադևոս և Բարդուղիմեոս առաքյալներին։ Վանքը ներկայում գտնվում է Կամախի Գառնի (թուրք․ պաշտոնական անվանումը՝ Գյոքքայա) գյուղի մոտակայքում։ Վանական համալիրը բաղկացած է 3 եկեղեցիներից՝ Սուրբ Աստվածածին, Սուրբ Կարապետ և Սուրբ Թադևոս կամ Սուրբ Առաքելոց։

Այդ մասին, www.akunq.net –ի փոխանցմամբ, հայտնում է թուրքական www.erzincannet.com կայքէջը։

Աղբյուրի համաձայն՝ վանքը դարեր շարունակ նշանավոր ուխտավայր է եղել հայ քրիստոնյաների համար։ Վանական համալիրի ամենամեծ եկեղեցին Սուրբ Առաքելոցն է, որի մոտ կան 1466 և 1469 թթ․ կառուցված 2 խաչքարեր։

Ժամանակին այդ տարածքի ամենանշանավոր վանքերից մեկը եղած Ավագ վանական համալիրի նկատմամբ ժամանակն անողոք է գտնվել․ թեև ներկայում եկեղեցու ավերակները դեռևս պահպանվում են, սակայն ժամանակի անիվը կամաց-կամաց ջնջում է այս հինավուրց վանք-համալսարանի հետքերը․․․
https://www.erzincannet.com/erzincanda-12-asirdaki-manastir-universitesi#
Թարգմանեց Մելինե Անումյանը
www.akunq.net