Կ․Պոլսում Կոմիտասին նվիրված համերգին կատարումներով հանդես կգա նաև Կոմիտասի ազգականը

Վաղը՝ հոկտեմբերի 26-ին, Կ․Պոլսում գործող «Լուսավորիչ» երգչախումբը Բեյօղլուի (պատմական Բերա թաղամասը) Երեք խորան հայկական եկեղեցում հանդես կգա Կոմիտասի ստեղծագործությունների կատարմամբ։ Համերգը նվիրված է հանճարեղ երգահանի ծննդյան 155-րդ ամյակին։ Համերգին կմասնակցի նաև Կոմիտաս Վարդապետի չորրորդ աստիճանի ազգական Թամար Էսքենյանը։

Այդ մասին հայտնում է Akunq.net-ը՝ վկայակոչելով «Ակօս» շաբաթաթերթի կայքէջում հրապարակված լուրը։

Աղբյուրի համաձայն՝ Կոմիտասի ազգական Թամար Էսքենյանը ծնվել է Լիբանանում և փոքր հասակում տեղափոխվել Շվեյցարիա։ Թե՛ Թամարը և թե՛ նրա երկու կրտսեր եղբայրները երաժիշտներ են։

Թամար Էսքենյանը համերգի ժամանակ կնվագի շվի և սրինգ, ինչպես նաև՝ որոշ ստեղծագործություններ կերգի։ Համերգին կմասնակցեն նաև դաշնակահար Ռոբեր Դողանայը և թմբուկահար Սևան Կարապետյանը։

https://www.agos.com.tr/tr/yazi/31190/gomidas-icin-bir-konser-de-istanbul-da-aile-uyesi-tamar-eskenyan-da-sahne-alacak

Թարգմանեց Մելինե Անումյանը

Akunq.net