«Թյուրքական պետությունների կազմակերպությունը» (ԹՊԿ) Թուրքիայի պետական «TRTHaber» հեռուստաալիքին մանրամասներ է ներկայացրել «Թյուրքական մետաքսի ճանապարհ» ծրագրի ինտերնետային կայքի վերաբերյալ:
Կայքը ստեղծվել է ԹՊԿ-ի կողմից՝ կազմակերպության անդամ եկրների մասնակցությամբ:
Նշվել է, որ դրա նպատակը «թյուրքական աշխարհում» առկա տուրիստական/պատմական/մշակութային տեղերի մասին իրազեկելն է:
Արշավի իմաստը կայանում է զբոսաշրջային և ընդհանուր տնտեսական շահի մեջ: Նրանք ցանկանում են այդպիսով շատացնել անդամ պետություններ այցելող զբոսաշրջիկների թիվը:
Կայքում տեղադրվում են նաև այդ պետությունների ճանաչողական նկարները, տեսահոլովակները, գրվում են տարբեր հոդվածներ թե՛ այդ տեղերի, թե՛ նորությունների և թե՛ զբոսաշրջության վերաբերյալ:
Հիշեցնենք, որ ԹՊԿ-ն գործում է 15 տարի: Կազմակերպության անդամ պետությունների ընդհանուր տարածքը կազմում է 4.25 մլն քառակուսի կմ, բնակչությանը թիվը՝ 160 մլն:
Leave a Reply