Թուրքիայի արևմտյան Քյութահիա քաղաքում անցկացվել է միջոցառում՝ նվիրված մեծանուն հայ երգահան ու երաժշտագետ Կոմիտասի (Սողոմոն Սողոմոնյան):
«Գեղարվեստական ներուժով քյութահիացի Կոմիտասը» խորագրով միջոցառումը կազմակերպվել է քաղաքային խորհրդի պատմական ու մշակութային ժառանգության և տեղական արժեքների աշխատանքային խմբի կողմից:
Այն անցկացվել է հանրության համար բաց ֆորմատով: Միջոցառման ընթացքում ընդգծվել է, որ 1869-ին Կոմիտսաը ծնվել է Քյութահիայում և իր կյանքի մի հատվածն անցկացրել է այնտեղ:
Հիշեցնենք, որ Հայոց ցեղասպանության ժամանակ պոլսահայ մտավորականների հետ Կոմիտասը ևս ձերբակալվում և աքսորվում է: ԱՄՆ դեսպան Մորգենթաուի ջանքերով Կոմիտասի կյանքը փրկվում է, բայց Եղեռնի ահասարսուռ տեսարանների հետևանքով նա կորցնում է հոգեկան հավասարակշռությունը և դադարում ստեղծագործել։ Կյանքի վերջին տարիները Կոմիտասն անցկացրել է Ստամբուլի և Փարիզի բուժական հաստատություններում։
Leave a Reply