Տնտեսագիտության ոլորտում այս տարվա Նոբելյան մրցանակը շնորհվել է հայազգի Տարոն Աճեմօղլուին։ Նրա հետ միասին Նոբելյան մրցանակակիրներ են դարձել նաև տնտեսագետներ Սայմոն Ջոնսոնը և Ջեյմս Ռոբինսոնը։
Այդ մասին, Akunq.net-ի փոխանցմամբ, հայտնում են թուրքական լրատվամիջոցները։
Հիշեցնենք, որ Տարոն Աճեմօղլուն ծնվել է 1967 թ․, Ստամբուլում։ Տարրական կրթությունն ստացել է Կ․Պոլսի Արամյան-Ունճյան նախակրթարանում, այնուհետև, 1986 թ․ ավարտել է Գալաթասարայի վարժարանը։
1989 թ․ բակալավրի աստիճան է ստացել Անգլիայի Յորք համալսարանի Մաթեմատիկական տնտեսություն և էկոնոմետրիկա ֆակուլտետում, 1990 թ․ ավարտել է Լոնդոնի Տնտեսագիտության դպրոցի մագիստրատուրան, իսկ 1992 թ․ նույն կրթօջախում պաշտպանել է դոկտորական ատենախոսություն։ 1992-93 թթ․ դասախոսել է Լոնդոնի Տնտեսագիտության դպրոցում։
1993 թ․ սկսած իր գիտական կարիերան շարունակել է ԱՄՆ-ի Մասաչուսեթս նահանգի Տեխնոլոգիայի ինստիտուտոտւմ։ 2000 թ․ նրան շնորհվել է պրոֆեսորի կոչում։ Տարոն Աճեմօղլուն համարվում է աշխարհում այն 5 տնտեսագետներից մեկը, որոնց ամենաշատն են վկայակոչում։ Նրա գիտական հետաքրքրությունների շրջանակում են քաղաքական տնտեսությունը, տնտեսական զարգացումը, տեխնոլոգիական փոփոխությունները, եկամուտների անհավասարությունը և աշխատանքային էկոնոմիկան։
Տարոն Աճեմօղլուն նաև բազմաթիվ գիտական գրքերի հեղինակ է։
Թարգմանեց Մելինե Անումյանը
Akunq.net
Leave a Reply