Ստամբուլի ասիական մասի հայկական կառույցները համագործակցության ցանց են ստեղծել

Ստամբուլի ասիական կողմում գտնվող հայկական տարբեր հաստատությունների հիմնադրամների պատասխանատուները հանդիպել են միմյանց հետ եւ համագործակցության ցանց ստեղծել։

Ինչպես տեղեկացնում է Ստամբուլի հայկական «Ակօս»–ը,  մասնակիցների մեջ են եղել Սկյուտարի Սուրբ Խաչ եկեղեցու, Սկյուտարի Սուրբ Կարապետ եկեղեցու, Քուզգունջուքի Սուրբ Գրիգոր Լուսավորիչ եկեղեցու, Բեյքօզի Սուրբ Նիկողայոս եկեղեցու, Քարթալի Սուրբ Նշան եկեղեցու, Քանդիլիի Սուրբ Երգոդասան Առաքելոց եկեղեցու, Քընալը կղզու  Սուրբ Գրիգոր Լուսավորիչ եկեղեղեցու, Քադըքյոյի Սուրբ Թագավոր եկեղեցու, Գալֆայան մանկատան հիմնադրամների պատասխանատուները։

Հավաքի մասնակիցների գլխավոր նպատակն է եղել արդեն 158 տարեկան հայկական Գալֆայան դպրոցի բյուջեի պակասորդի լրացնելուն ուղղված աշխատանքներ իրականացնելը։ Համագործակցության եւ փոխօգնության համար ստեղծված ցանցը նպատակ է դրել նաեւ ընթացքում օգնել որեւէ հայկական կառույցի` ֆինանսական կամ այլ խնդիրների դեպքում։

https://news.am/arm/news/846159.html