Թուրքիայի նախագահ Ռեջեփ Թայիփ Էրդողանն ուրբաթօրյա նամազից հետո լրագրողների հետ զրույցում անդրադարձել է Հայաստանի վարչապետ Նիկոլ Փաշինյանի հետ իր ունեցած հանդիպմանը:
Օրակարգային քննարկումների վերաբերյալ լրագրողների հարցին ի պատասխան՝ Էրդողանն ասել է.
«Իհարկե, Փաշինյանի հետ հանդիպմանն ավելի շատ առաջին պլան են մղվել Ադրբեջանի և Հայաստանի միջև առկա խնդիրնեը։ Այս հարցում տեսա, որ Փաշինյանը դրական մոտեցում ունի»:
Բացի այդ, նա ընդգծել է, որ խաղաղության հարցում Ադրբեջանը ևս դրական մոտեցում ունի:
Էրդողանը նաև հույս է հայտնել, որ երկու երկրների դրական տրամադրվածությունը կխթանի առկա խնդիրների լուծմանը:
Leave a Reply