«Ցեղասպանությունն անհավատալի է». թուրքական «Ֆեներբահչեի» բասկետբոլիստն այցելել է Ծիծեռնակաբերդ

Թուրքական «Ֆեներբահչե»-ի բասկետբոլիստն այցելել է Ծիծեռնակաբերդ և այնտեղից գրառում կատարել:

ԵՐԵՎԱՆ, 27 սեպտեմբերի./Նովոստի-Արմենիա/. Թուրքական Fenerbahce բասկետբոլի թիմի խաղացող, ծագումով ամերիկացի բասկետբոլիստ Նիգել Հեյզն այս օրերին գտնվում է Հայաստանում։

Բասկետբոլիստը պարբերաբար Instagram-ի իր էջում կիսվում է լուսանկարներով և տեսանյութերով, որտեղ նա շրջում է Երևանով և կիսվում երևանյան փողոցների, մշակութային կենտրոնների և այլ տեսարժան վայրերի կադրերով։

Նա սթորի բաժնում կիսվել էր նաև Ցեղասպանության հուշահամալիրից արված կադրերով, որոնք առաջացրել էին թուրք հետևորդների զայրույթը։ Նա, մասնավորապես, կիսվել էր Հայոց Ցեղասպանության լուսանկարներով, դրանց կից գրելով՝ «Պատերազմն ու Ցեղասպանությունն անհատավալի են»։

Այնուհետև բասկետբոլիստն իր էջում գրառում կատարեց, որտեղ նշեց, որ պատմությանը բավարար ծանոթ չէ և քանի որ խաղում է Թուրքիայում, անհարգալից ոչինչ չի ասի այդ երկրի մասին։ Նա նշել է, որ ընդամենը զբոսաշրջիկ է։

https://newsarmenia.am/am/news/armenia/-cexaspanutyunn-anhavatali-e