Թուրքիայում վայրի ավանակի հնագույն պատկեր է հայտնաբերվել

Թուրքիայում հայտնաբերվել է քարի վրա փորագրված վազող վայրի ավանակի պատկեր։ Գտածոյի տարիքը կարող է կազմել 11 հազար տարի, հայտնում է Arkeonews-ը։

Քարահան Թեփե  հնագիտական ​​հուշարձանը գտնվում է Թուրքիայի հարավարևելքում։ Այստեղ հայտնաբերված կառույցների տարիքը մոտ 11 հազար տարի է կազմում, այդ թվում՝ մարդկանց տեսքով 250 T-աձև կոթողները։

Շինության հատակի քարերից մեկի վրա հայտնաբերել են վազող ավանակի փորագրված պատկեր։ Գիտնականները նշել են, որ այդ ժամանակահատվածում տարածված են եղել երկու տեսակի կենդանիների պատկերները՝ վախեցնող և որպես կերակուր օգտագործվող: Հավանաբար, վայրի ավանակը պատկանել է երկրորդ խմբին։ Գտածոն կօգնի ավելի լավ հասկանալ պատմության այդ ժամանակահատվածում մարդու և վայրի բնության փոխհարաբերությունները։

https://news.am/arm/news/840331.html