Հրապարակվել են Թուրքիայի նախարարների վերաբերյալ վերջին սոցհարցման արդյունքները

«ORC» թուրքական հետազոտական ընկերությունը հունիսի 1-7-ն ընկած ժամանակահատվածում Թուրքիայում անցկացրել է սոցհարցում։  Մասնակցել է 8.920 մարդ, որոնք պատասխանել են «Ովքե՞ր են ձեր սիրելի նախարարները» հարցին։

Հարցման արդյունքների համաձայն՝ առաջին տեղում Թուրքիայի ներքին գործերի նախարար Ալի Յերլիքայան է՝ 47.8-%ով։ Երկրորդ տեղում արտգործնախարար Հաքան Ֆիդանն է՝ 43.1%-ով, եռյակը 41.8%-ով եզրափակում է Օսման Աշքըն՝ երիտասարդության և սպորտի նախարարը։

Չորրորդ տեղում 41.4%-ով Թուրքիայի միակ կին նախարար՝ ընտանիքի և սոցիալական ծառայությունների նախարար՝ Մահինուր Օզդեմիր Գյոքթաշն է։ Հինգերորդ տեղում 40.6%-ով տրանսպորտի և ենթաառուցվածքների նախարար Աբդուլքադիր Ուրալօղլուն է։

https://www.ermenihaber.am/am/news/2024/07/11/%D4%B9%D5%B8%D6%82%D6%80%D6%84%D5%AB%D5%A1-%D5%B6%D5%A1%D5%AD%D5%A1%D6%80%D5%A1%D6%80-%D5%BD%D5%B8%D6%81%D5%B0%D5%A1%D6%80%D6%81%D5%B8%D6%82%D5%B4/280052