Թուրքիայի նախագահը՝ Դեմիրալի որակազրկման մասին. «Դա ամբողջությամբ քաղաքական որոշում է»

Թուրքիայի նախագահ Ռեջեփ Թայիփ Էրդողանն անդրադարձել է «UEFA»-ի կողմից Թուրքիայի ֆուտբոլի ազգային հավաքականի խաղացող Մերիհ Դեմիրալի նկատմամբ սկսված հետաքննությանն ու դրա շրջանակներում կայացված որոշմանը:

Էրդողանը «UEFA»-ի նման որոշումը որակել է քաղաքական:

«Դա բացատրելն անհնար է, այն ամբողջությամբ քաղաքական որոշում է: Այդ որոշումը խավարեցրել է նրանց խիղճը»,-ասել է Թուրքիայի նախագահը:

Հիշեցնենք, որ Դեմիրալը «Euro 2024»-ի շրջանակներում Ավստրիայի հավաքականի դեմ ունեցած խաղում մրցակցի դարպասը գրավելուց հետո ցույց էր տվել  թուրքական ծայրահեղական ​​«Գորշ գայլեր» կազմակերպության ժեստը, ինչից հետո էլ նրա նկատմամբ հետաքննություն էր սկսվել, իսկ ավելի ուշ «UEFA»-ի որոշմամբ նա որակազրկվել էր 2 խաղով: 

https://www.ermenihaber.am/am/news/2024/07/08/%D4%B7%D6%80%D5%A4%D5%B8%D5%B2%D5%A1%D5%B6-%D4%B4%D5%A5%D5%B4%D5%AB%D6%80%D5%A1%D5%AC-UEFA/279856