Օկուպացված Շուշիում Թուրքիայի փոխնախագահ Ջևդեթ Յըլմազն ասել է, որ Թուրքիայից Կենտրոնական Ասիա ձգվող տրանսպորտային նախագծի՝ Կենտրոնական միջանցքի զարգացման վրա աշխատանքը կօգնի ամրապնդել թյուրքական պետությունների միջև համագործակցությունը և ընդգծել թյուրքական աշխարհի գլոբալ դերը:
Նա վստահություն է հայտնել, որ Ադրբեջանի և Հայաստանի միջև խաղաղ համաձայնագրի վաղ ստորագրումը կվերացնի Հարավային Կովկասի տարածաշրջանային համապարփակ լուծման ամենամեծ խոչընդոտը։
«Հարավային Կովկասում կայուն խաղաղության և կայունության հաստատումը մեծ նշանակություն ունի ոչ միայն տարածաշրջանի երկրների, այլև համաշխարհային անվտանգության և կապի համար, քանի որ վերջապես կբացվեն տարածաշրջանային տրանսպորտային ուղիները։ Սա մեծ օգուտներ կստեղծի ողջ թյուրքական աշխարհի համար, այդ թվում՝ Կենտրոնական Ասիայի, Սև ծովի և Կասպից ծովի ավազանների համար՝ շնորհիվ տարածաշրջանային համագործակցության ընդլայնման և նոր հնարավորություններ կբացի», – նշել է նա, հաղորդում են թուրքական լրատվամիջոցները:
Leave a Reply