Թուրք գործիչը պնդել է, թե թուրք հատուկջոկատայինները պետք է Փաշինյանի անվտանգությունը ապահովեն

Թուրքական Sozcu TV-ի եթերում թուրք հայտնի գործիչ, Independent Turkce կայքի գլխավոր խմբագիր Նեվզաթ Չիչեքն անդրադարձել է Հայաստանի վարչապետի անվտանգության խնդրին եւ սկանդալային հայտարարություն արել։

Հեռուստաեթերի ժամանակ Նեվզաթ Չիչեքը հիշեցրել է, որ Հայաստանի վարչապետ Նիկոլ Փաշինյանը հայ հասարակությանը հորդորել է հրաժարվել մեծ Հայաստանի երազանքից եւ ընդունել ներկայիս Հայաստանն՝ իր սահմաններով։

Թուրք գործիչը հիշեցրել է Հայաստանի վարչապետի ուղղաթիռի հետ կապված վերջին միջադեպը՝ նշելով, որ այդ դեպքով Թուրքիայում անհանգստացած էին։ Նա շեշտել է, որ թեեւ իր խոսքերը շատերին կբարկացնեն, սակայն ինքը պնդում է, որ Նիկոլ Փաշինյանի անվտանգությունը պետք է ապահովեն թուրք հատուկջոկատայինները։

https://news.am/arm/news/826425.html