Լրագրողների ձերբակալման ցուցանիշով Թուրքիան աշխարհոմ 3-րդ երկիրն է

Լրագրողների միջազգային ֆեդերացիան (IFJ) հրապարակել է սպանված լրագրողների և լրատվամիջոցների աշխատակիցների վերաբերյալ 33-րդ զեկույցը։ Մասնավորապես նշվում է, որ 2023-ին սպանվել է 129 լրագրող, իսկ  ձերբակալված լրագրողների թիվը հասել է 427-ի։ Ըստ զեկույցի՝ լրագրողների 70%-ը սպանվել է Գազայում։

Նշվում է, որ լրագրողների ձերբակալության ցուցանիշներով առաջին տեղում Չինաստանն է (80%), երկրորդ տեղում Մյանման է (51%), երրորդ տեղում Թուրքիան է (41%), իսկ չորրորդ տեղում՝ Ռուսաստանը (40%)։

Ֆեդերացիայի գլխավոր քարտուղար Էնթոնի Բելանգերը նշել է, որ քաղաքացիների ճշգրիտ տեղեկատվություն տրամադրելը ժողովրդավարական իրավունք է, և կառավարությունների պարտականությունն է ապահովել լրագրողների անվտանգությունը, որպեսզի նրանք կարողանան, առանց կախվածության, լուրեր հաղորդել։

«Այս տարի սպանված լրագրողների թիվը ցույց է տալիս, թե որքան խիստ է մեզ անհրաժեշտ պարտադիր միջազգային փաստաթուղթ, որը կստիպի պետություններին ընդունել հիմնական մեխանիզմներ, որոնք կպաշտպանեն լրագրողների անվտանգությունն ու անկախությունը»,-նշել է Բելանգերը։

https://www.ermenihaber.am/am/news/2024/05/15/%D4%B9%D5%B8%D6%82%D6%80%D6%84%D5%AB%D5%A1-%D5%AC%D6%80%D5%A1%D5%A3%D6%80%D5%B8%D5%B2/275224