Թուրքական մեդիայում առանձնահատուկ ուշադրության է արժանացել Թուրքիայի նախագահ Ռեջեփ Թայիփ Էրդողանի և Հունաստանի վարչապետ Կիրիակոս Միցոտակիսի համատեղ ասուլիսի դրավեգներից մեկը:
Ասուլիսի ընթացքում Էրդողանի ու Միցոտակիսի միջև տարակարծություն է նկատվել Ստամբուլում գտնվող տիպիկ բյուզանդական կառույց հանդիսացող Չորա (Քարիե, Խորա) քրիստոնեական տաճարի վերաբերյալ:
Մասնավորապես Էրդողանը նշել է, որ 2020-ին ընդունված որոշման համաձայն՝ Քարիեի տաճարը վերանաորոգվել է և այժմ որպես մզկիթ բաց է այցելուների ու հավատացյալների համար, իսկ Միցոտակիսն անընդունելի է համարել վանքը որպես մզկիթ օգտագործելու փաստը:
«Թուրք պաշտոնյաների կողմից Բյուզանդական կայսրությանը պատկանող Քարիե տաճարի վերաբերյալ ընդունված վերջին որոշումը, ինչպես նաև Այասոֆիայի (նախկինում քրիստոնեական տաճար, որն այժմ օգտագործվում է որպես մզկիթ, Սուրբ Սոֆիայի տաճար) հետ կապված հին որոշումներն ինձ մեծ հիասթափություն են պատճառել:
Այդ որոշումները հակասում են հուշակոթողների էկումենիկ (համաքրիստոնեական միասնության գաղափարախոսություն) բնույթին և փոխադարձ համաձայնությունը զարգացնելու շուրջ մեր համատեղ ջանքերին»,-ասել է Հունաստանի վարչապետը:
Հիշեցնենք, որ կողմերը հանդիպել էին մայիսի 13-ին՝ Անկարայում:
Leave a Reply