Թուրքիայի նախագահ Ռեջեփ Թայիփ Էրդողանի հրամանագրով բյուզանդական ոճով կառուցված Քարիյե թանգարանը վերածվել է մզկիթի։ Այս իրադարձությանը արձագանքնել է Հունաստանի արտգործնախարարությունը։
Հայտարարության մեջ նշվում է, որ Քարիյեն մզկիթ դարձնելը «վիրավորանք է ՅՈՒՆԵՍԿՕ-ի Համաշխարհային ժառանգության ցանկում նրա ունեցած կարգավիճակի նկատմամբ։ Այդպիսով Անկարան մարտահրավեր է նետում միջազգային հանրությանը»։
Հայտարարության մեջ նաև նշվել է, որ հուշարձանների պահպանումը, կրոնական և մշակութային ժառանգության պաշտպանության միջազգային չափանիշներին համապատասխանելը հստակ միջազգային պարտավորություն է, որը պարտադիր է բոլոր պետությունների համար։
Հիշեցնենք, որ Քարիյե եկեղեցին վերածել էր թանգարանի 1948-ին, իսկ 2020-ի օգոստոսի 21-ի որոշմամբ այն դարձել էր մզկիթ։ Որոշումից հետո մզկիթի վերականգնման աշխատանքները տևել են 4 տարի։ 2024-ի մայիսի 6-ին կայացել է մզկիթի բացման արարողությունը, որին մասնակցել է Թուրքիայի նախագահը։
Leave a Reply