Հայաստանը պետք է փոփոխություններ կատարի իր Սահմանադրության մեջ, որում արտացոլված են նրա տարածքային պահանջները Ադրբեջանի և Թուրքիայի նկատմամբ․ թուրք պատգամավոր

Թուրքիան չի բացի Հայաստանի հետ սահմանը, քանի դեռ Ադրբեջանի և Հայաստանի միջև բոլոր խնդիրները չեն լուծվել.

Ինչպես հաղորդում է ԱՊԱ-ն, այս մասին հայտարարել է Թուրքիայի Ազգային մեծ ժողովի պատգամավոր, թուրք-ադրբեջանական միջխորհրդարանական բարեկամության խմբի ղեկավար Շամիլ Այրիմը։

Նա նշել է, որ «Հայաստանը պետք է փոփոխություններ կատարի իր Սահմանադրության մեջ, որում արտացոլված են նրա տարածքային պահանջները Ադրբեջանի և Թուրքիայի նկատմամբ» (չակերտները՝ Tert.am), այլապես նման պետության հետ խաղաղությունն անհնար կլինի։ Նրա խոսքով, Ադրբեջանը և Թուրքիան ուշադիր հետևում են այս գործընթացին։

https://www.tert.am/am/news/2024/02/26/turkey-armenia-azerbaijan/4084501