Թուրքիան ափսոսանք է հայտնել Արդբեջանի մասով ԵԽԽՎ-ի որոշման վերաբերյալ

Թուրքիայի ԱԳՆ-ն հայտարարություն է տարածել՝ ափսոսանք հայտնելով առ այն, որ ԵԽԽՎ-ն չի հաստատել Ադրբեջանի պատվիրակության լիազորությունները։

«Այս որոշումը չի համատեղվում ժողովրդավարական արժեքների հետ և հակասում է ներկայացվածության իրավունքին։ Պարզ է, որ այս քայլը նշանակում է համագործակցության և երկխոսության խողովակների փակում և չի ծառայելու տարածաշրջանում խաղաղության և կայունության ապահովմանը։

Թուրքիան ԵԽԽՎ-ին հորդորում է ամենակարճ ժամկետներում ուղղել իր այս սխալը և կենտրոնանալ Հարավային Կովկասում խաղաղության ջանքերի վրա»,- նշված է Թուրքիայի արտգործնախարարության տարածած հայտարարության մեջ։

Հիշեցնենք, որ Եվրոպայի խորհրդի խորհրդարանական վեհաժողովի (ԵԽԽՎ) ձմեռային նստաշրջանի լիագումար նիստի ընթացքում անցկացված քվեարկությամբ Վեհաժողովը որոշել էր չհաստատել ԵԽԽՎ-ում ադրբեջանական պատվիրակության անդամների հավատարմագրերը։

https://www.ermenihaber.am/am/news/2024/02/16/%D4%B9%D5%B8%D6%82%D6%80%D6%84%D5%AB%D5%A1-%D4%B1%D5%A4%D6%80%D5%A2%D5%A5%D5%BB%D5%A1%D5%B6/268314