Քուրդ վերլուծաբան. «Թուրքիան պիտի վերաձևի իր հարաբերությունները հարևանների հետ»

Հյուսիսային Իրաքի քրդական ինքնավար շրջանը մեծ նշանակություն ունի Թուրքիայի համար։ Նման կարծիք է հայտնել քուրդ քաղաքագետ, վերլուծաբան Մուստաֆա Շեֆիքը՝ նշելով, որ Թուրքիան անվտանգության ապահովման տեսանկյունից տարածաշրջանում կարիք ունի համագործակցության Էրբիլի հետ։

«Թուրքիան շատ կարևոր դեր է ստանձնել վերջին տարիներին, հատկապես Ուկրաինայի պատերազմից և Գազայի վերջին պատերազմից հետո։ Թուրքիան բախվել է և՛ ճգնաժամերի, և՛ մարտահրավերների, բայց ունի բազմաթիվ հնարավորություններ և ներուժ: Ուստի Թուրքիան պետք է վերաձևի իր հարաբերությունները հարևանների հետ։ Քուրդիստանը Թուրքիայի համար կարևոր հարևան է »,- նշել է նա ։

Քաղաքագետը հակված է նրան, որ Թուրքիան ու Հյուսիսային Իրաքի քրդական ինքնավար շրջանը պետք է խորացնեն համագործակցությունը հատկապես էներգետիկ ոլորտում։

https://www.ermenihaber.am/am/news/2024/02/14/%D4%B9%D5%B8%D6%82%D6%80%D6%84%D5%AB%D5%A1-%D5%94%D5%B8%D6%82%D6%80%D5%A4%D5%AB%D5%BD%D5%BF%D5%A1%D5%B6/268082