Թուրքիայի պաշտպանության նախարարն ընդունել է Ադրբեջանի զինուժի գեներալներին

Թուրքիայի պաշտպանության նախարար Յաշար Գյուլերն ընդունել է Ադրբեջանի զինված ուժերի գեներալներին։

Թուրքիայի պաշտպանության նախարարության տարածած հաղորդագրության մեջ նշվում է, որ Գյուլերն իր աշխատասենյակում հանդիպել է Անկարա այցելած Ադրբեջանի զինված ուժերի գեներալների հետ, սակայն հանդիպմանը քննարկված թեմաների մասին որևէ տեղեկատվություն չի հաղորդվում։

Հիշեցնենք, որ հունվարի 29-ին Թուրքիայի պաշտպանության նախկին նախարար, ներկայում՝ խորհրդարանի պաշտպանական հանձնաժողովի նախագահ Հուլուսի Աքարի գլխավորած պատվիրակությունը Բաքվում հանդիպել էր Ադրբեջանի նախագահ Իլհամ Ալիևին, ՊՆ նախարար Զաքիր Հասանովի և Ադրբեջանի խորհրդարանի նախագահ Սահիբե Գաֆարովայի հետ։

https://www.ermenihaber.am/am/news/2024/02/01/%D4%B9%D5%B8%D6%82%D6%80%D6%84%D5%AB%D5%A1%D5%B5%D5%AB-%D5%8A%D5%86-%D5%B6%D5%A1%D5%AD%D5%A1%D6%80%D5%A1%D6%80-%D4%B1%D5%A4%D6%80%D5%A2%D5%A5%D5%BB%D5%A1%D5%B6/267259