Վանում Արշիլ Գորկու հիշատակին նվիրված շատրվանը կրկին վանդալիզմի է ենթարկվել

Թուրքիայի արեւելյան Վան նահանգում հայտնի հայ նկարիչ Արշիլ Գորկու հիշատակին կառուցված շատրվանը վնասվել է անհայտ անձանց կողմից, հայտնում է Duvar լրատվական կայքը։

Վանի Էդրեմիթ (Արտամեդ) թաղամասի թաղաապետարանը շատրվանը կառուցել էր 2015 թվականին՝ շարունակելով ննջեցյալների հիշատակը հարգելու ավանդույթը՝ ջուր ապահովելով բնակիչների ու անցորդների համար։ Շատրվանը կառուցվել է Սեւիլ Ռոջբին Չեթինի օրոք, ով քաղաքապետ էր ընտրվել այժմ գոյություն չունեցող քրդամետ Խաղաղություն եւ ժողովրդավարություն կուսակցությունից։

Շատրվանի չորս կողմերը թուրքերեն, հայերեն, քրդերեն եւ անգլերեն լեզուներով զարդարված են Գորկու կյանքի մանրամասներով, որոնցից յուրաքանչյուրից ջուր է հոսում։ Շատրվանի ճարտարապետները հատուկ տեղական քարեր են օգտագործել եւ կառուցել են այն Գորկու ընտանիքի նախկին տան մոտ։
Հուշարձանը նախկինում մի քանի անգամ վանդալիզմի է ենթարկվել: Քաղաքապետ Չեթինը հեռացվել էր պաշտոնից եւ բանտարկվել ահաբեկչության մեղադրանքով։ Չեթինին փոխարինել է կառավարության կողմից նշանակված պաշտոնյան, ով թույլ տվեց շատրվանի հետագա քանդումը:

Ժամանակի ընթացքում չորս կողմի ծորակները վնասվել ու խցանվել են, իսկ Գորկու անունը քերվել է: Ամենավերջին միջադեպի ժամանակ հանվել եւ անհետացել են Գորկու կյանքի պատմությունը պատմող ցուցանակները:

Հարցին, թե ինչու է ջուրն անջատվել, քաղաաքապետարանը պատասխանել է, որ դա կապված է ջրի պակասով, ընդ որում, հերքել է վնասի մասին ցանկացած տեղեկություն:

https://news.am/arm/news/684219.html