Ուղիղ 30 տարի առաջ այս օրը տեղի ունեցաւ Քարինտակի հերոսամարտը… 1992 յունուար 26-ին գիւղի ինքնապաշտպանութիւնը կը ղեկավարէր մասնագիտութեամբ վարորդ Վաղարշակ Առուշանեանը, իսկ հակառակորդի գործողութիւնները անձամբ կը համակարգէր Ազրպէյճանի այն ժամանակուայ պաշտպանութեան նախարար Թաճճէտին Մեհթիեւը:
Մարտական գործողութիւններուն իբրեւ արդիւնք՝ ԵՐԵՔ ԿՈՂՄէ յարձակման անցած հակառակորդը տալով 90-է աւելի զոհ, ետ շպրտուեցաւ իր դիրքեր: Հայկական կողմը տուաւ 22 զոհ, որոնց 3-ը՝ կին … գիւղը մնաց անառիկ:
Քարինտակի հերոսամարտէն մօտ 28 տարի անց՝ գիւղի պաշտպանութեան համար տեղի ունեցաւ հերթական առճակատումը: Հայկական կողմի պաշտպանութիւնը կը համակարգէին ակադեմիական որակաւորումով հրամանատարներ, իսկ թշնամական ուժերու գործողութիւնները՝ ազրպէյճանաթրքական գլխաւոր շտաբերի բարձրաստիճան պատասխանատուներ…
Բաւական անհասկնալի պայմաններու մէջ, 2020թ. նոյեմբեր 4-ին, ԵՐԵՔ ԿՈՂՄէ ամուր պաշտպանուած Քարինտակը ինկաւ…
Յ.Գ.- 30 տարի առաջ Քարինտակի համար տեղի ունեցած պաշտպանական մարտին մէջ հերոսաբար մարտիրոսուեցաւ Վաղարշակ Առուշանեանը, իսկ անկէ 28 տարի անց՝ անոր որդին՝ Մխիթար Առուշանեանը…
Yerakouyn.com
Leave a Reply