Նյու Յորքի Թայմս Սքվերում տեղի է ունեցել միջոցառում Հայոց ցեղասպանության զոհերի հիշատակին

Ապրիլի 28-ին Նյու Յորքի Թայմս Սքվերում տեղի է ունեցել Ցեղասպանության հիշատակի օրվան նվիրված միջոցառում։ Միջոցառմանը ներկա էին ամերիկացի քաղաքական գործիչներ եւ հայ համայնքի ներկայացուցիչներ, տեղեկացնում է «Ամերիկայի ձայնը»։

Իր խոսքում սենատոր Չաք Շումերը դատապարտել է նախկին եւ ներկայիս վարչակազմերին այն բանի համար, որ նրանք չեն ճանաչել Հայոց ցեղասպանությունը եւ իրենց գործողությունները բացատրում են քաղաքականությամբ։ «Ես նրանց մեկ պատասխան ունեմ. երբ խոսքը վերաբերում է 1,5 միլիոն դաժանաբար սպանված մարդկանց, քաղաքականությունը չպետք է դեր ունենա»,- ասել է նա։

Սենատոր Ռոբերտ Մենենդեսը նշել է. «Մենք երբեք չենք մոռանա Հայոց ցեղասպանությունը»։ Կոնգրեսական Ֆրենկ Փալոնեն շնորհակալություն է հայտնել հայկական ծագում ունեցող ամերիկացիներին Հայկական հարցի կոմիտեի ջանքերին աջակցելու համար։

Այս տարի միջոցառմանը ելույթ է ունեցել երգիչ Էլի Բերբերյանը, որը կատարել է Շառլ Ազնավուրի «Ils Sont Tombes» երգը եւ «Դլե յամանը»։

https://shabat.am/am/article/203018/Nyu-Yorqi-Taym-sqverum-teghi