Պոլսոյ Պէյքոզ շրջանի հայկական եկեղեցին 4 միլիոն տոլարի հատուցում պիտի ստանայ

Պոլսոյ Պէյքոզ շրջանի Նիկողայոս հայկական եկեղեցւոյ պատկանող հողատարածքը պետականացուած էր ճանապարհաշինութեան ծրագիրի մը համար:

Եկեղեցին այս գծով դատ բացած էր Պոլսոյ քաղաքապետարանին դէմ եւ ՎԱՏԻՓ հարթակի ընդհանուր քարտուղար ու Պէյքոզի եկեղեցւոյ խորհրդատու Յարութիւն Շանլը յայտնեց, թէ դատական գործընթացը աւարտած է եկեղեցւոյ ի նպաստ: Արդարեւ, դատարանը վճռած է 24.4 միլիոն թրքական լիրա (մօտաւորապէս 4.2 միլիոն տոլար) վնասուց հատուցում վճարել եկեղեցւոյ:

Շանլը կը յուսայ, որ յառաջիկայ քանի մը ամիսներուն ընթացքին գումարը կը փոխանցուի եկեղեցւոյ դրամատան հաշիւին:

https://horizonweekly.ca/en/