Հայոց ցեղասպանության թեման պիտի Թուրքիայի մեջլիսում քննարկենք. Կարո Փայլան

Թուրքիայի խորհրդարանի հայ պատգամավոր Կարո Փայլանը Հայոց ցեղասպանության հետ կապված Ֆրանսիայի եւ Իտալիայի քայլերի մասին Twitter–ում գրություն է արել։

Կարո Փայլանը գրել է. «Հայոց ցեղասպանությունը պետք է հանել Իտալիայի, Ֆրանսիայի ու ԱՄՆ–ի խորհրդարաններից եւ պետք է այն թեման դարձնել այն երկրում, որտեղ որ այդ մեծ հանցանքը տեղի է ունեցել, այսինքն, Թուրքիայի խորհրդարանում»։

Նշենք, որ Ֆրանսիայի նախագահ Էմանուել Մակրոնը ապրիլի 10-ին հրաման է ստորագրել ապրիլի 24-ը Ֆրանսիայում Հայոց ցեղասպանության զոհերի հիշատակի օր հայտարարելու մասին։

Իսկ ավելի վաղ Իտալիայի  խորհրդարանը սկսել է մի նախաձեռնություն, որը կոչ է անում երկրի կառավարությանը ճանաչել Հայոց ցեղասպանությունը եւ հարցին միջազգային հնչեղություն տալ։

https://news.am/arm/news/506694.html